O pronóstico de crecemento para este ano realizado polo servizo de estudos do BBVA, sitúa a Galicia por debaixo do 0.6% e rebaixa á metade as previsións da Xunta de Galicia, que o sitúa nun 1%. A economía galega lastrará o crecemento do PIB de España durante este ano e o próximo porque se situará á cola do desenvolvemento no conxunto das autonomías durante o bienio.
Non me vou a meter agora mesmo na discusión de qué posición ocupa Galicia a nivel español en canto a desenvolvemento económico. O que me interesa resaltar neste caso é que se ledes esta noticia, en todo momento se mide o desenvolvemento económico a través do crecemento do PIB...outra vez estamos a confundir conceptos (inxenua ou intencionadamente)!!!!!
Enlace á noticia:
Non sei se inxenua ou intencionadamente pero do que a noticia está a falar chámase crecemento e non desenvolvemento. Lembremos que o crecemento económico é un proceso polo cal a producción de bens e servizos dun determinado país se ve paulatinamente incrementada. Sen embargo, o concepto de desenvolvemento é un pouco máis amplo, nel teñen cabida factores sociais, políticos, factores medioambientais, culturais, etc.Por decilo dun xeito máis sinxelo e claro, crecemento é ser cada vez máis grande e desenvolvemento é ser cada vez mellor. No concepto de desenvolvemento ten cabida perfectamente o crecemento económico.
ResponderEliminarTotalmente dacordo!!! Claro que no concepto de desenvolvemento ten cabida o crecemento económico, é máis, é unha condición necesaria (pero non suficiente).
ResponderEliminarO problema está en equiparar ambos conceptos, empregalos como sinónimos! Recordemos que as políticas económicas se deseñan en función dos estudos realizados por diversas institucións de recoñecido prestixio (como o servizo de estudos do BBVA en España)... e se confundimos conceptos, unha política de desenvolvemento non vai a ser efectiva porque, realmente, non é unha política de desenvolvemento.